Paula区子琳在制作最新作品〈抹去重来〉时，剖白了一个自家暗恋故事。 「我中学时代暗恋咗一个人6年，但从来冇向对方表白，然后我成日喺度谂，如果我表白咗，会系点呢？」已成定局的往事，会因为Paula一个不一样的决定而有所不同吗？ 填词人Oscar听过Paula分享这段往事，交出来的歌词，却想让乐迷明白一个道理：抹去重来，不一定能得到想要的。 Oscar道：「人有好多嘅决定，如果真系抹去重来，重新嚟过，都系会做返一样嘅决定，或者做咗唔一样嘅决定，都系迈向一样嘅结局。不论感情，或者生命入面其他嘅事都系咁，唔系宿命或命运使然，而系人嘅本性令到人即使作出唔同嘅决定，最后都系走返一样嘅路，〈抹去重来〉系用感情写呢样嘢，讲紧女主角回望其中一段感情，挂住冇向佢表白嘅人，不停幻想如果有表白会点，会唔会最后分手收场？如果冇分别，空想有乜意思？不如选择安于现状，将怀念摆喺心入面。」 除了Oscar，〈抹去重来〉还有Cousin参与制作，Paula形容这个组合十分Perfect，Oscar的词为Cousin的曲锦上添花，令〈抹去重来〉听起来就像一首诗，好有诗意亦好有画面，绝对是Perfect Match。录音方面，声底本来就很厚实的Paula，这次在Cousin Fung 监督下灌录〈抹去重来〉，他们尝试了很多不同的演绎方式，Paula道：「今次录音用上两日时间，主要系试用好多唔同嘅演唱技巧，Cousin亦俾咗好多唔同方向等我去试，由好温柔到Powerful同渐层式嘅唱法都有，睇下边个方法令到首歌更好听。」Paula以带点落寞到不愤到觉悟的歌声演绎〈抹去重来〉，你能感受到她洞悉爱情路上一点小道理的恍然大悟吗？