Celina y Reutilio foi un grupo de música latinoamericana formado por dous artistas cubanos. Dunha banda Celina González Zamora, nada en Matanzas en 1928, que facía labores de vocalista, e pola outra Reutilio Domínguez Terrero, nado en Guantánamo en 1921 e finado en 1971, quen era o guitarrista e compositor, ademais de tamén cantante. O dúo acadou sona primeiramente en Santiago de Cuba e en 1947 fixo o seu debut nunha emisora de radio.